Абай облысындағы өрттен 400 гектар орман алқабы жанып кетті
Абай облысындағы өрт алдын ала болжам бойынша 1200 гектар аумақты шарпыған, деп хабарлайды Абай облысының әкімдігі.
Алматы, NEGE. Оның 800 гектары дала, 400 гектары – орман алқабы.
Абай, Шығыс Қазақстан және Павлодар облыстарының Төтенше жағдайлар департаменттері, облыстық Полиция департаменті, «Семей орманы» мен «Ертіс орманы» мекемелерінің қызметкерлері және жергілікті атқарушы органдар жағдайды әлі де бақылауда ұстап отыр.
Қарағанды облысы мен Астана қаласынан қосымша күштер мен техника көмекке келді.
Абай облысының әкімі Берік Уәли Төтенше жағдайлар министрлігінің өкілдерімен бірге бүгін таңертең өрттен зардап шеккен Морозов филиалының Соснов орманшылығына тікұшақпен әуеден бақылау жүргізді.
«Тікұшақпен өртенген аумақтарды мұқият қарап шықтық. Өрттің толық тоқтатылғанына көз жеткізіп, елді мекендерге, тұрғындарға қауіпсіз болуын бақылауда ұстаймыз» – деді аймақ басшысы.
Өртті сөндіру жұмыстарына 419 адам, 140-қа жуық техника жұмылдырылды.
