5000 қыз кәмелет жасына толмай жүкті болып қалған
Қыздардың кәмелет жасына толмай жатып аяғы ауыр болып қалуы дүние жүзінде етек алған проблемаға айналды деп жатыр. Мұндай қиын жағдай Қазақстанға да жат емес.
Таяуда Түркістанда «Репродуктивті денсаулықты сақтау» апталығы деп аталған іс-шара ұйымдастырылған екен. Мұнда ерте жүктіліктің алдын алу мақсатында не істеу керек деген мәселе талқыға түскен. Келтірілген деректерге қарағанда, Түркістан облысы бойынша 182 жасөспірім қыздың жүкті болып қалған, ал Шымкентте бес айдың ішінде кәмелетке толмаған 73 қыз жүкті болып, 55 қыз босанып қойыпты.
Былтырғы статистикаға көз жүгіртсек, еліміз бойынша 5 мыңға жуық жасөспірім қыз жүкті болып қалған. Мұндай сұмдық көрсеткіш қоғамды алаңдатып отыр.
Өткен апталық бітеу жараның аузын тырнаған сияқты деген баға беріліп отыр.
